Mangu 2 турнирининг учинчи жанги эълон қилинди + ПОСТЕР

Ташкилотчилар томонидан ушбу оқшом учун учинчи жанг эълон қилинди. Унда оғир вазн тоифасидаги вакилимиз Жасур Мирзамуҳаммедов "Халк" номи билан танилган камерунлик Ава Жашелл Тичага қарши октагонга чиқади. 

Маълумот учун, Мирзамуҳаммедов ММАдаги фаолияти давомида 9 та жанг ўтказиб, 6 ғалаба ва 3 мағлубият қайд этган. Ава Жашелл ҳисобида 3 ғалаба ва 3 мағлубият бор. Ҳамюртимиз собиқ ONE Championship лигаси жангчиси ҳисобланади. 

Тича иккинчи бор Ўзбекистонда жанг ўтказади. У Muradov Professional League - MPL 9 турнирида ҳам октагонга чиққанди. 2024 йилнинг 11 май куни ўтган ўша жангда Жашелл қирғизистонлик Абилкасим Якубовни 1-раунддаёқ оёқда берган зарбаси эвазига техник нокаутга учратган эди.

Аввалроқ, промоушен ўзбекистонлик 31 ёшли таниқли аралаш яккакураш устаси Фурқатбек Ёқубов (17-4) ва тожикистонлик Айём Хабиров ҳамда ўта енгил вазндаги яна бир ҳамюртимиз Фахриддин Жумаев (8-3)нинг озарбайжонлик Фарид Алибабазаде (13-9-1)га қарши жангларини эълон қилганди.