Мария Шарапова: "Доимо босим остида бўлиб, ўзингиздан ва танангиздан юқорисини кутавериш доим ҳам кутилган натижани олиб келмайди"

- Ўтмишдаги орзу ва мақсадларингиз ушалган. Айни дамда бизнесда қандай мақсадларни олдингизга қўйгансиз?

- Яхши савол. Ҳозир барчаси бошқача. Бир вақтлар мендан келаси 10 йилда спортдаги мақсадларим ҳақида сўрашганида шундай жавоб берардим: "Яна "Катта Дубулға"ларни ютишни истайман", "Дунёнинг биринчи рақамлиси бўлишни хоҳлайман". Бизнесда барчаси бошқача. 30 ёшга кирганимдан кейин она сифатида ҳам бир қанча ишларни қилишим керак эди. Теннисчи бўлган вақтларимда ҳам ишларим кўп эди, бироқ мен учун теннис биринчи ўринда бўлган ва ишларим ҳам кўп бўлмасди.

Айни дамда мақсад бирор ишни қилиш эмас, барча ишларда соғлом балансни ушлаб қолиш бўлади. Ҳақиқий ҳаётда яшаш, ўзингиз учун вақт ажратиш, бўшашиш учун имкон топиш ҳам керак. Доимо босим остида бўлиб, ўзингиздан ва танангиздан юқорисини кутавериш доим ҳам кутилган натижани олиб келмайди, - деди Шарапова.