20 янв 11:02
Янгиликлар

Теннис

Мария Тимофеева бугун Баҳрайн турнирдаги иштирокини бошлайди

Баҳрайн пойтахти Манама шаҳрида теннис бўйича W75 тоифасига кирувчи, мукофот жамғармаси 60 000 АҚШ долларини ташкил этувчи турнир старт олмоқда.

Унда мамлакатимизнинг иккинчи ракеткаси Мария Тимофеева ҳам ўз имкониятини синаб кўради. Вакиламиз турнирда тўртинчи рақам остида сараланди. У бугун 1/16 финалда россиялик Анастасия Тихоновага қарши кортга чиқади. Учрашув бизнинг вақт билан соат 17:30да бошланади.

Таққослаш учун, Мария Тимофеева WTA рейтингида 138, 24 ёшли Тихонова эса 250-ўринни эгаллаб турибди. Бу теннисчиларнинг ўзаро ўтказадиган тўртинчи учрашуви бўлади. Шу кунгача ўтган уччала баҳсда ҳам Мариянинг қўли баланд келганди.

Эслатиб ўтамиз, Тимофеева ўтган ҳафта Австралия Очиқ чемпионатининг саралаш босқичи иккинчи раундида япониялик теннисчига ютқазиб қўйганди.