23 апр 16:07
Янгиликлар

Теннис

Мария Тимофеева Швейцария турнирида 1/4 финалга чиқди

Мамлакатимизнинг учинчи ракеткаси Мария Тимофеева ўзи биринчи рақам остида таснифланган турнирдаги иккинчи уч сетлик ғалабасига эришди.

Вакиламиз Швейцариянинг Кьяссо шаҳри мезбонлик қилаётган WTA 75 тоифасига кирувчи, мукофот жамғармаси 60 минг долларни ташкил этувчи турнирда ўз маҳоратини намойиш қилмоқда. Бироз аввал у иккинчи даврада италиялик Женнифер Ружжерини уч сет натижасига кўра мағлубиятга учратди - 6/2, 4/6, 6/1.

Таққослаш учун, Тимофеева айни пайтда WTA рейтингида 154, Ружжери эса 266-ўринни эгаллаб турибди. Баҳс 2 соату 22 дақиқа давом этган. Бу теннисчиларнинг ўзаро ўтказган илк учрашуви бўлди.