"Марказий Осиё Шахмат Фестивали"дан олдин матбуот анжумани бўлиб ўтди

Ўзбекистон Шахмат федерацияси вице президенти, 3.4 зона президенти, халқаро тоифадаги ҳакам, ушбу фестивал бош ҳаками Ҳусан Турдалиев, ФИДЕ президенти маслаҳатчиси ва Осиё шахмат Федерацияси раҳбарининг ўринбосари Берик Балгабаев ҳамда Тошкентдаги Халқаро шахмат академияси директори Собиров Фарҳод иштирок этишди ва журналистларнинг саволларига жавоб беришди.

"РосАтом" корпорацияси ҳомийлигида Марказий Осиёнинг олти мамлакатидан келган 50га яқин шахматчилар ўртасида ёшлар ўртасидаги Марказий Осиё чемпионати бўлиб ўтади. Ушбу мусобақада ўзбекистонлик Нодирбек Абдусатторов, Нодирбек Ёқуббоев, Жавоҳир Синдаров, Шамсиддин Воҳидов, Баҳора Абдусатторова, Умида Омонова ва Ситора Сапарова каби тажрибали шахматчилар иштирок этишади.

Бу йилги мусобақа тақвимда йўқ эди ва тайёргарлик учун жуда вақтимиз кам эди. Кейинги йилларда агар бу мусобақа яна Тошкентда ўтказилса бошқа мамлакатлардан ҳам кучлироқ бўлган шахматчиларни албатта таклиф этамиз", - деди Ҳусан Турдалиев.



"Ўзбекистонда шахмат ривожланишини диққат билан кузатиб борамиз. Мамлакатингизда ёш шахматчиларни тарбиялашда энг олдинги қаторларга чиқиб олгани шубҳасиз.

Ўзбекистонда Жаҳон чемпионати ўйинини ўтказиш мумкинми? Биласизми, бу жуда ҳам қиммат мусобақа ҳисобланади. Агар ўзбекистонлик шахматчи мана шу ўйинда иштирок этса бунинг имконияти жуда юқори бўлади.

РосАтом бу йил 4та мамлакатда ўз мусобақаларини ўтказишга қарор қилди. Булар Финляндия, Бангладеш, Ўзбекистон ва Туркия. Вақт жуда кам эди, аммо шунга қарамай ташкилотчиликни юқори савияда ўтказаётгани учун Ўзбекистон шахмат Федерациясига миннатдорчилик билдирамиз. Ушбу фестивал доирасида федерацияларни ривожлантириш дастури бўйича, Афғонистон, Қирғизистон, Тожикистон ва Туркманистон шахмат федерацияларига ўз давлатларида турнирларни ташкиллаштиришлари учун 20та шахмат соатлари тақдим этилади.

Мактабларда шахмат фани киритилишига қандай қарайман? Собиқ Иттифоқ давлатлари орасида биринчилардан бўлиб Арманистонда бу нарса амалга ошириб бўлинган. У ерда хатто шахмат институти ҳам бор. Россияда эса ҳусусий мактабларда 100 фоиз шахмат фани бор, давлат мактабларда эса кўпчилигида жисмоний тарбия фанига қўшимча тарзда шахмат киритилган.

Альцгеймер (хотира пасайиши) касаллиги билан оғриганларга афсуски ҳозирги кунда ҳеч қандай даво йўқ. Бироқ шахмат спорт тури билан шуғулланган инсонларда бу касаллик камдан-кам учрайди. Бу исботланган нарса. Шундай экан сиз журналистлар шахмат спорт тури қанчалик фойдали экани ҳақида барча жойда ёзинглар, айтинглар", - деди Берик Балгабаев.