Павел Дуров Чимаевнинг бурчагида бўлиш таклифига жавоб берди

БАА шарафини ҳимоя қилаётган россиялик аралаш яккакураш устаси Дуровни навбатдаги жангида секундант бўлиб беришга чақирганди. 

"Павел ака, кейинги жангда менинг бурчагимда бўласизми?" - деб ёзди "Borz" ижтимоий тармоқда ватандошига мурожаат қилиб.

"Бу мен учун шараф бўлади", - деб жавоб берди миллиардер.

"Келишдик!", - деди Чимаев.

- Сени совға кутяпти, - қўшиб қўйди Дуров.

Аввалроқ, Хамзат Чимаев Рамазон ойидан кейин октагонга қайтишини маълум қилиб, дивизион рейтингида 2-ўринни эгаллаб турган франциялик Нассруддин Имавовнинг навбатдаги рақиби бўлишини айтганди.

Миллиардер Павел Дуров яқинда Хабиб Нурмагомедов билан муваффақиятли ҳамкорлик қилиб, UFC шон-шуҳрат зали аъзосининг чекланган рақамли папахаларини уч юз миллион рублдан кўпроққа сотганди.