Маррей 2019 йилдан бери илк бор АТР турнири ярим финалига чиқди

Энди Маррей мусобақанинг чорак финалида бельгиялик Девид Гоффинга қарши кортга чиқди. 1-сет Маррей фойдасига 6/2 ҳисобида ҳал бўлди. 2-сетда бельгиялик теннисчи тиззасидаги жароҳат туфайли учрашувни давом эттиролмаслигини билдирди ва ўйин тўхтатилди. Шу тариқа британиялик теннисчи ярим финалга йўл олди. 

Маррей 2019 йилнинг октябрида Антверпенда чемпионликни қўлга киритганидан бери илк бор АТР турнирининг ярим финалида ўйнайди.

Бугун Маррей америкалик Рейли Опелка билан финал чиптаси учун кураш олиб боради. Параллель ўйинда Аслан Карацев британиялик Дэниэл Эванс билан тўқнаш келади.