Матчболдан чиқиб кетган Тиафо Штутгартни забт этди

Финал учрашувида дунёнинг 12-ракеткаси, америкалик Фрэнсис Тиафо рейтингда ўзидан 12 поғона қуйида бораётган германиялик Ян-Леннард Штруффга қарши кортга чиқди. Икки соату 12 дақиқа давом этган драматик баҳсда Тиафо иродали ғалабага эришди - 4/6, 7/6(1), 7/6(8).

Америкалик теннисчи ўзаро учрашувларда ҳисобда олдинга чиқиб олди - 2:1. Тиафо иккинчи сетда матчболдан чиқиб кетган. Тиафо 13, Штруфф 28 та эйс зарбасини амалга оширгани эътиборга молик ҳолат. 

Бу Фрэнсиснинг майса қопламали турнирда қўлга киритиган биринчи соврини бўлди. Тиафо ўз иштирокидан 250 рейтинг очкоси ва 109,270 евро мукофот пули ишлаб олди. Штруфф эа 150 очко ва 63,740 еврога эга бўлди.