Мавлуд Тифиев россиялик тажрибали Алаверди Рамазановни қийинчиликсиз мағлуб этди

Ўзбекистонлик таниқли муайтай устаси Мавлуд Тифиев ONE FC'да иккинчи жангини ўтказиши ҳақида хабар берган эдик. Таиландда бўлиб ўтган оқшомда ҳамюртимиз россиялик Алаверди Рамазановга қарши муай-тай қоидалари бўйича жангга чиқди. Баҳс тўлиқ 3 раунд давом этди ва унда ҳакамларнинг якдил қарори билан Мавлуд Тифиев ғалаба қозонди.

Қайд этиш лозим, Тифиев жанг давомида ўзининг кучли зарбалари билан рақибини нокдаун ҳолатига тушириб қўйди.

Маълумот учун, Рамазанов ўз вазнида ONE Championship лигасининг иккинчи рақамли жангчиси ҳисобланади.