Майдзуру ҳокими дзюдочиларимизни қабул қилди ФОТОГАЛЕРЕЯ

Мазкур йиғин Ўзбекистон миллий олимпия қўмитаси ҳамда Майдзуру шаҳри мэрияси, яъни ҳокимлиги ўртасида имзоланган Меморандум асосида ташкил этиляпти. 

Шунингдек, Майдзуруда айнан юқоридаги Меморандум асосида спорт курашлари бўйича терма жамоамизнинг ҳам машғулоти ўтказиляпти. Ҳар икки жамоамиз Майдзуру шаҳри ҳокими томонидан қабул қилинди.  

"Майдзуру шаҳри икки мамлакатнинг спорт соҳасидаги ўзаро ҳамкорлигини ҳар томонлама қўллаб-қувватлайди. Шубҳасиз, бу ҳамкорлик ҳар икки давлат спортчилари учун ҳам фойдали бўлади. Бизнинг спортчилар ҳам юртингизда ана шундай қўшма ўқув-машғулот йиғинларини ўтказишади. Ишончим комил, бундан кейин ҳам икки томонлама дўстлик алоқаларини янада мустаҳкамлаб, ҳамкорликни давом эттирамиз", - деди Майдзуру шаҳри ҳокими Рёзе Татами.

Дўстона руҳда ўтган учрашувдан сўнг спортчиларимиз юртимиз тарихи ва маданиятини ўзида акс эттирган масхус кўргазмани томоша қилишди.