Майкл Пейж: "Мен ўзимдан кишанларни ечиб ташладим"

"Ўзимни озод ҳис қиляпман. Буни бошқача таърифлай олмайман. Мен ўзимдан кишанларни ечиб ташладим ва энди биродарим KSI, Мамс Тейлор ҳамда бутун Misfits жамоаси билан биргаликда бу ерда унутилмас хотираларни юзага келтириб, ҳақиқатан ҳам улкан тадбирларни уюштира оламиз. Ҳа, улкан тадбирларни!

Мен ҳар қандай чақирувни қабул қилишга тайёрман! Мутлақо ҳар қандайини! Исталган исмни айтинг, мен жанг қилишга тайёрман! Чунки ягона ва такрорланмас MVP қайтди!", – деди британиялик жангчи ўтган дам олиш кунлари Лондонда бўлиб ўтган Misfits Boxing тадбиридаги матбуот билан мулоқот чоғида.

Лиганинг асосчиларидан бири, блогер KSI "Веном"нинг шижоатини тўлиқ қўллаб-қувватлашини билдирди.

"Жуда кўпчилик уни ўз сафига қўшиб олишни хоҳлаганди. Унинг айнан Misfits’ни танлагани, MF Sport’ни танлагани, MF Sport’га, бизнинг уйимизга келгани бу биз учун қанчалик муҳим воқеа эканини кўрсатиб турибди", – деди KSI.

Спорт шарҳловчиси Ариэль Хельванининг маълумотларига кўра, Пейжнинг Misfits Boxing билан тузган шартномаси эксклюзив ҳисобланади, бироқ бу унга бошқа ташкилотлар шафеълиги остида эркин кураш ва грепплинг мусобақаларида қатнашиш имконини беради.