Месси ёки Роналду - Маррей кимни танлади?

- Болаларингизнинг сиздан ташқари энг яхши кўрган теннисчиси ким?

- Болаларим бирорта теннисчини танимайди. Афсуски, улар теннисни томоша қилишмайди ва кузатишмайди ҳам. Менда бу саволга жавоб йўқ. Балки, бу менинг акамдир. Менимча, болаларим биладиган ягона теннисчи у бўлса керак.

- Месси ёки Роналду?

- Яхши савол. Жаҳон чемпионатидаги ўйинларидан кейин Мессини танлайман.

- Қайси теннисчи билан кимсасиз оролда бирга қолиб кетишни истардингиз ва нима сабабдан?

- Мени оролдан олиб чиқиб кета оладиганини ўйлашим керак. Шунингдек, кўнгилочарлик вазифасини ҳам бажара олиши лозим. Шу сабабли Гаэль Монфилсни танлайман. У жуда қувноқ йигит ва доимо у билан бирга бўлиш қизиқари бўлади.

- "Beatles"нинг Сизга энг ёқадиган қўшиғи?

- "Let It Be". Менга жуда ёқади.

- Ҳалигача "PlayStation" ўйнайсизми? Қайси ўйинларини ёқтирасиз?

- Анча йиллардан буён ўйнамай қўйганман. Кечирасиз, бошқа ўйнамайман. Болаларим туғилганидан кейин шунчаки бунга вақт бўлмай қолди. Ёнимда болаларим бўлганида бу учун 45 дақиқа ҳам вақтимни ажратишни истамадим. Ҳозирги саёҳатим "PlayStation"сиз ўтмоқда.

- Ҳозирги пайтда Сиз учун севимли мусиқий альбом?

- Бунақаси йўқ. Альбомларни эшитмайман, одатда болалар мусиқасини эшитаман. Қулоғимга ёқиб қолган мусиқани кўп эшитаман - масалан Шакиранинг "барча ишни қила оламан" сўзлари билан бошланувчи мусиқаси. Аниқ гаплари эсимда йўқ, лекин Шакиранинг қўшиқлари менга ёқади.