26 май 10:13
Янгиликлар

Бокс/ММА

"Метро Люблино"ни ютган Санжар Зокиров MMA Grand Prix лигаси билан шартнома имзолади

Аралаш яккакураш устамиз Санжар Зокиров янги промоутерлик компанияси билан келишувга эришди.

Бугун ўзбекистонлик 19 ёшли аралаш яккакураш устаси Санжар Зокиров (5-0) Қозоғистоннинг Олма-Ота шаҳрида ўтказиладиган Naiza 51 турнирида жанг қилиши лозим эди. Аммо ҳамюртимиз керакли вазн меъёрини бажара олмади ва унинг жанги бекор бўлди.

Эътиборлиси, Зокировнинг жанги бекор бўлишидан аввал унинг Франциянинг MMA Grand Prix лигаси билан шартнома тузгани эълон қилинди.

"Ғалабаларни атиги 19 ёшида занжирбанд қилган йигит. Биз MMA Grand Prix лигасининг ёш вундеркинд билан шартнома имзолагинини расман эълон қилишдан мамнунмиз", - дейилади ташклот хабарида.

Эндиликда Зокиров мазкур лигадаги дебютини 17 июнь куни Бордо шаҳрида ёки 7 июль куни Швейцариянинг Женева шаҳрида ўтказиши мумкин.

Эслатиб ўтамиз, Санжар ўзининг сўнгги жангини 22 март куни Octagon 43 турнирида тожикистонлик Саймумин "Метро Люблино" Мадиевга қарши ўтказиб, муддатидан аввал ғалаба қозонган эди.