03 окт 10:49
Янгиликлар
Теннис
Мезбондан устун келган Крейчикова Таллинда чемпион бўлди
Эстония пойтахти Таллин шаҳрида теннис бўйича WTA турнири бўлиб ўтди.
Ҳал қилувчи финал учрашувида WTA рейтингида 27-ўринни эгаллаб турган чехиялик Барбора Крейчикова сайёрамизнинг тўртинчи рақамли теннис маликаси, эстониялик Анетт Контавейтни 6/2, 6/3 ҳисобида мағлуб этиб, бош соврин соҳибасига айланди.
Теннисчиларнинг ўзаро учрашувларида Барбора ҳисобда олдинга чиқиб олди. Саксон икки дақиқа давом этган баҳсда Крейчикова 4, Контавейт эса 2 та эйс зарбасини амалга оширган. Ҳар иккала теннисчида ҳам қўшхатолар 3 тани ташкил этди.
Таллин турниридаги муваффақиятли иштирок Крейчиковага 280 рейтинг очкоси ҳамда 26,770 евро мукофот пули келтирди.
Ҳавола :
Манба : gotennis
Фикрлар