WTA Якуний турнир. Ига Свёнтек муқаррар мағлубиятдан чиқиб кетди

Дунёнинг иккинчи ракеткаси Ига Свёнтек гуруҳнинг илк учрашувида WTA рейтингида 13-поғонада бораётган чехиялик Барбора Крейчикова устидан иродали ғалабага эришди - 4/6, 7/5, 6/2. Польшалик теннис маликаси ўзаро учрашувлар ҳисобида олдинга чиқиб олди - 2:1.

Икки соату 35 дақиқа давом этган баҳсда Свёнтек 10, Крейчикова 3 та эйс зарбасини амалга оширди. Қўшхатолар иккала теннисчида ҳам етарлича бўлди - 6 га 5, Барбора "фойдасига". Брейклар бўйича устунлик эса Ига томонида бўлди - 5 га 4.