Miami Open. Мотам либосида ўйнаётган Соболенконинг юриши бошланди

Дунёнинг иккинчи ракеткаси Арина Соболенко мусобақадаги иштирокини тўғридан-тўғри иккинчи даврада бошлади. Беларуслик теннис маликаси WTA рейтингида 80-поғонада бораётган испаниялик Паула Бадосани 6/4, 6/3 ҳисобида мағлуб этиб, учинчи босқичга йўл олди. 

Таъкидлаш жоиз, уч кун аввал Майамида Аринанинг собиқ "бойфренди" Константин Кольцов  вафот этганди. Шу боисдан Соболенконинг турнирда қатнашиши ҳам охиригача сўроқ остида қолганди. Аммо теннисчи ўзида куч ва журъат топа олди. Қора либосларда кортга чиққан Арина ортиқча қийинчиликсиз рақибасини мағлуб эта олди. 

Беларуслик теннисчиларнинг ўзаро учрашувлари ҳисобида ҳам олдинга чиқиб олди - 3:2. Бир соату 24 дақиқа давом этган баҳсда иккала теннис маликаси ҳам 3 тадан жйс зарбасини амалга оширган. Қўшхатолар ҳам бир хилда бўлди - 4 тадан. Энди Арина Miami Open турнирининг учинчи даврасида украиналик Ангелина Калининага қарши кортга чиқади.