“Милан” 19 ёшли уругвайлик футболчини сафига қўшиб олишга яқин

Италия матбуотидаги хабарларга қараганда, яқин соатларда “Бока Хуниорс” клуби футболчиси “Милан” билан шартнома имзолайди. “Россонерилар” Аргентина клуби раҳбарлари билан Родригонинг трансфери бўйича келишиб олишган.

Келишувга кўра, Италия клуби Бентакур учун “Бока Хуниорс” жамоасига 10 млн евро тўлайди. Агар футболчи янги жамоаси ўйинига қўшилиб кета олса, бонус сифатида яна 2 млн евро ўтказиб берилади. Бентанкур “Милан” билан 5 йиллик шартнома имзолайди ва йилига 1,5 млн евро маош олади.