Миллий антидопинг агентлиги Қарши ОЗК ўқувчилари учун онлайн семинар ўтказди

Айни дамда, мазкур агентлик томонидан спорт федерациялари ва клублари тиббиёт ходимларининг малакасини оширишга кўмаклашиш, уларга спортда допинг қўлланилишининг олдини олиш ва антидопинг назоратини амалга ошириш борасида услубий ёрдам кўрсатиш, таълим дастурларини амалга ошириш, соғлом ва ҳалол спортнинг тарғиботи бўйича саъй-ҳаракатлар олиб борилмоқда.

Жорий йилнинг 23 сентябрь куни мазкур Агентлик ходимлари томонидан Қашқадарё вилояти Туризм ва спорт бош бошқармаси мажлислар залида Қарши олимпия захиралари коллежи мураббийлари ва ўқувчилари учун онлайн семинар ташкил этилди.

Ушбу онлайн семинар жараёнида Миллий антидопинг Агентлиги мутахассислари спортда допинг қўлланилишининг олдини олиш ва допингга қарши курашиш соҳасида фаоллик кўрсатишлари лозимлигига алоҳида тўхталиб ўтишди.

Семинар иштирокчилари мутахассислардан ўзларини қизиқтирган саволларга жавоб олишди. 

Илҳом РАҲМОНОВ тайёрлади