Миллий кураш бўйича 3 та "Спарк" ўйналган халқаро турнир якунланди

Мусобақада Индонезия, Тожикистон ва Қозоғистон ҳамда юртимизнинг 60 дан ортиқ сара полвонлари уч вазн тоифасида куч синашди.

73 килограмм вазнли полвонлар ўртасида кечган баҳсларда андижонлик Раҳматилла Нуриддинбековга тенг келадиган рақиб топилмади. 90 килограмм вазнда самарқандлик Муҳаммадали Шамсиддинов биринчи ўринни қўлга киритди. 90 килограммдан оғир вазнли полвонлар беллашувида мутлақ ғолиблик хоразмлик Болтабой Болтаевга насиб этди.

Самарқанд вилояти ҳокими полвонларга мусобақанинг бош соврини – “Спарк” автомобилларини топширди.

Шунингдек, мусобақанинг 2-3 ўрин соҳиблари, фаол курашган спортчилар Ўзбекистон Республикаси Жисмоний тарбия ва спорт вазирлиги ҳамда Ўзбекистон кураш федерациясининг диплом ва эсдалик совғалари билан тақдирланди.