Миллий паралимпия қўмитаси томонидан ҳам ҳудудларда ўрганиш ишлари олиб бориляпти

Қўмита раиси маслаҳатчиси Анвар Мурсакулов Қашқадарё вилоятига амалга оширган хизмат сафари давомида вилоят Спорт бошқармаси, Ижтимоий ҳимоя миллий агентлиги, Тиббий ижтимоий эксперт комиссияси, Ёшлар ишлари агентлиги масъуллари билан ҳамкорликда ногиронлиги бўлган шахсларни оммавий спортга қамраб олиш масаласини муҳокама қилди. 

Шунингдек, Ғузор ва Деҳқонобод туманларидаги спорт мактабларида паралимпия йўналиши бўйича фаолият юритаётган тренерлар билан матонатли ёшларимизни спортга жалб қилишдаги муаммо ва камчиликлар, айниқса, тоғли ҳудудлардаги ёшлар ўртасида паралимпия спорт турларини оммалаштириш масалалари тўғрисида йиғилиш ўтказилди.

Йиғилиш якунида ҳудуддаги мавжуд имкониятлар ва хусусиятлардан келиб чиққан ҳолда, ногиронлиги бўлган шахсларни жисмоний тарбия ва спортга қамраб олиш бўйича туманнинг алоҳида дастури ишлаб чиқиш бўйича топшириқ берилди.