27 июн 15:34
Янгиликлар
Миллий терма жамоа учун энг кўп спортчи етказиб бераётган спорт мактаби ҳақида ФОТОРЕПОРТАЖ
Жумладан, шаҳарда жойлашган нафақат вилоятда, балки республика бўйича йирик, замонавий спорт базаларига эга бўлган муассасалардан бири Наманган шаҳар спорт ўйинлари ва енгил атлетикага ихтисослаштирилган болалар-ўсмирлар спорт мактабининг бугунги ҳолати, ундаги ёш спортчилар ва аҳолининг спорт билан машғул бўлишлари учун яратилган шароитлар билан танишилди.
2 та йирик спорт мажмуасига эга бўлган мазкур ихтисослаштирилган болалар-ўсмирлар спорт мактабида жами 20 та спорт иншоотлари мавжуд бўлиб, бир вақт ичида 15 хил спорт тури билан шуғулланиш мумкин.
Спорт мактабида 55 нафар тренерлар 88 нафарга яқин ёш спортчиларга ҳар қандай шароитда енгилмаслик, фақат юқори марраларни кўзлаган ҳолда олдинга ҳаракатланиш ва келажакда чемпион деган номга муносиб бўлиш сирларини ўргатишмоқда.
Қилинаётган меҳнатлар ўз самарасини бермай қолмаяпти. 2019 йилининг ўзида ушбу спорт мактаби тарбияланувчилари томонидан республика ва халқаро мусобақаларда жами 156 та медаль қўлга киритилди. Уларнинг 67 тасини энг юқори пробали медаллар ташкил этиши эса, келажакда янгидан-янги Олимпия чемпионларининг муносиб пойдевори мавжуд эканлигини англатади.
Спорт мактабида бугунги кунда Ҳумоюн Султонов, Абдулҳай Исмоилов, Сайёра Абдуҳалилова, Ситора Ғайбуллаева каби юзлаб умидли спортчилар тарбияланмоқда.
Ушбу спорт мажмуалари 2019 йилнинг ўзида 20 дан ортиқ республика ва халқаро тоифадаги нуфузли мусобақаларга мезбонлик қилди.
Эътиборлиси, замонавий спорт базаларида бир кунда ёш спортчилардан ташқари 2 мингга яқин аҳоли ўз соғликларини тиклаш мақсадида спорт билан доимий шуғулланишмоқда.
Қуйида спорт мактабининг замонавий мажмуаларини акс эттирувчи фото лавҳаларни эътиборингизга ҳавола этамиз:
Фикрлар