Мираброр Усмонов хотирасига бағишланган шахмат турнири бўлиб ўтди + ФОТОГАЛЕРЕЯ

"Ёруғ келажак" турнири Мираброр Усманов номидаги халқаро хайрия жамоат фонди ва Ўзбекистон шахмат федерацияси ҳамкорлигида ташкил этилди. Мазкур жамғарма аҳолининг ҳимояга муҳтож қатламларини ижтимоий муҳофаза қилиш, жамиятнинг етарлича ҳимоя қилинмаган ва эхтиёжманд қатламларини мақсадли қўллаб-қувватлаш, уларга ихтисослаштирилган, юқори технологияли тиббий ёрдам кўрсатади.

Мусобақада 2007 йил ва ундан кичик ёшдаги ногиронлиги бўлган Республиканинг турли ҳудудларидан келган 70 нафарга яқин шахматчи иштирок этди. Турнир Халқаро шахмат федерацияси (ФИДЕ) қоидалари асосида рапид йўналишида 9 турдан иборат швейцарча тизимида ўтказилди.

Ғолиб ва совриндорлар:

1. Турғунбоев Сардор (кар ва заиф эшитувчи, Тошкент ш.)

2. Аҳмадханов Аббосхон (кўзи ожиз ва заиф кўрувчи, Наманган в.)

3. Сафаров Азизбек (кар ва заиф эшитувчи, Хоразм в.)

14 ёшгача ўсмирлар ўртасида

1. Изентаева Айнура (кар ва заиф эшитувчи, Тошкент ш.)

2. Худойбердиев Азиз (кўзи ожиз ва заиф кўрувчи, Сирдарё в.)

3. Азимжонов Абдураҳмон

10 ёшгача ўсмирлар ўртасида

1. Равшанова Хадича (Кар ва заиф эшитувчи, Тошкент ш.) 

2. Сатторов Нуриддин (Кар ва заиф эшитувчи, Тошкент ш.)

3. Жўраев Акбар (Кар ва заиф эшитувчи, Тошкент ш.)

Маълумот учун, Мираброр Усманов номидаги халқаро хайрия жамоат фонди томонидан мусобақада 1-ўринни эгаллаган иштирокчиларга моноблок, 2-ўрин эгаларига телевизор (43 дюм), 3-ўринни эгаллаган спортчиларга эса планшетлар ҳамда Ўзбекистон шахмат федерациясининг диплом ва медаллари билан тақдирландилар.