Мирободда волейбол бўйича “Ҳоким кубоги“ ўтказилди

Мусобақа Тошкент халқаро Вестминстер университетида ташкил этилди.

Тадбирда Миробод тумани спорт бўлими раҳбари Баҳодир Баҳромов сўзга чиқиб, жамиятимизда соғлом турмуш тарзини тарғиб қилишда ёшларни спортга жалб этиш ва улар ўртасида кўплаб спорт мусобақаларини ташкил этиш муҳим аҳамият касб этишини таъкидлаб ўтди.

Эътиборлиси, мазкур спорт дастури нафақат Тошкент шаҳри, балки республикамизда илк бора ташкил этилди ва туман бўйлаб давом этмоқда.

Мусобақада 1-ўринни М.В.Ломоносов номидаги Москва давлат университетининг Тошкент филиали жамоаси, 2-ўринни эса Тошкент шарқшунослик университети жамоаси ва 3-ўринни эса Тошкент Халқаро Вестминстер университети вакиллари эгаллашди.

Қизғин ва муросасиз ўтган мусобақалар якунида ғолиблар ҳокимлик томонидан кубок, диплом ва эсдалик совғалари билан тақдирланди.