Михаил Шайдоров Қозоғистонда кутиб олинди, унга ҳомийлар ҳам совға ажратишди

Ўйинларнинг асосий қаҳрамонларидан бири Астана аэропортида тантанали равишда кутиб олинди.

Қозоғистон Миллий Олимпия Қўмитаси Президенти Геннадий Головкин, Қозоғистон Республикаси Туризм ва спорт вазири Ербол Мирзабосинов ва Қозоғистон фигурали учиш иттифоқи Президенти Бауиржан Ерали чемпионга ҳурмат бажо келтиришиб, энг эзгу тилакларини билдиришди.

Учрашувда София Самоделкинанинг муваффақияти ҳам таъкидланди. У Олимпиадада 10-ўринни эгаллаб, Қозоғистон аёллар фигурали учиш тарихидаги энг яхши натижани қайд этди.

Тадбир давомида Шайдоровга ҳомийлар томонидан 3 хонали, унинг шахсий мураббийи Алексей Урманов ҳамда бош мураббий Асем Касановга, шунингдек, яна бир спортчи София Самоделкинага 1 хонали уй совға қилинди.