28 авг 08:40
Янгиликлар

Бокс/ММА

MMA Series собиқ чемпиони Бобур Қурбоновнинг навбатдаги рақиби ва жанг санаси эълон қилинди + ПОСТЕР

23 сентябрь куни Россия пойтахти Москва шаҳрида MMA Series 72 турнири ташкил этилади.

Биз учун аҳамиятлиси, мазкур турнирда Лиганинг ярим ўрта вазн тоифасида ўзбекистонлик собиқ чемпиони Бобур Қурбонов (13-5-0) ҳам жанг қилади. Ҳамюртимизга ўша куни россиялик Аҳмед Мусаев (6-0-0) рақиблик қилади. Жанг асосий кард доирасида 3 раунд этиб белгиланган.

Оқшомнинг марказий жанги россиялик Сергей Харитонов (33-9-0) ҳамда Бразилия вакили Тиаго Кардосо (15-8-2) ўртасида кечади.

Эслатиб ўтамиз, Бобур Қурбонов ўтган йилнинг декабрь ойида рус жангчиси Сергей Бобришевни мағлуб этиб, MMA Series чемпионига айланган эди, аммо июль ойида ўтказилган реванш жангида Бобришев баҳсли ғалабага эришди.

27 ёшли Аҳмед Мусаев учун эса бу жорий йил ҳисобидан учинчи жанг бўлади.