Monte-Carlo Masters. Новак Жоковични илк учрашувидаёқ мағлуб этишди

Сербиялик теннисчи ўз иштирокини тўғридан-тўғри иккинчи даврада бошлади. У ATP рейтингида 32-ўринни эгаллаб турган чилилик Алехандро Табилога 3/6, 4/6 ҳисобида имкониятни бой бериб қўйди. Табило Новакка ноқулай рақиб эканини яна бир бор исботлади. У ўзаро иккинчи учрашувда ҳам номдор рақибини мағлубиятга учратди.   

Саксон саккиз дақиқа давом этган баҳсда Жокович 3, Табило 2 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар бўйича устунлик табиийки, ғолиб теннисчи томонида бўлди - 3 га 1. Табило бу йилги мавсумда илк бор кетма-кет иккита учрашувда ғалаба қозониб, 1/8 финалга чиқди. Энди у болгариялик Григор Димитровга қарши кортга чиқади.