Monte-Carlo Masters. Руне 3,5 соатлик баҳсда 2 та матчболдан чиқиб кетди

Дунёнинг еттинчи ракеткаси Хольгер Руне учинчи даврада қийин ғалабани қўлга киритди. Даниялик теннисчи 3,5 соат давом этган учрашувда ATP рейтингида ўзидан икки поғона қуйида бораётган болгариялик Григор Димитровни мағлубиятга учратди - 7/6(9), 3/6, 7/6(2).

Хольгер теннисчиларнинг ўзаро учрашувларидаги ҳисоб мувозанатини ҳам тиклаб қўйди - 2:2. Иккала теннисчи ҳам 3 тадан эйс зарбасини амалга оширган. Қўшхатолар Димитровда биттага кўпроқ бўлди - 3 га 4.