МОҚ раиси лицензион мусобақа олдидан курашчилар билан учрашди + ФОТО

Сафар олдидан МОҚ раиси Рустам Шоабдураҳмонов сафар олдидан мусобақада иштирок этувчи жамоамиз билан учрашди.

Маълумки, айни вақтда спорт курашлари бўйича делегациямиз ҳисобида юнон-рум курашчиларимиз қўлга киритган 3 та йўлланма мавжуд. Келаси ой эса Болгарияда жаҳон миқёсидаги лицензион турнир бўлади. МОҚ раиси спортчиларимиз билан суҳбатда йўлланмалар масаласини Қозоғистоннинг ўзида ҳал қилиш зарурлигини таъкидлади.

“Кўриб турибсиз, Европанинг кўплаб давлатларида коронавирус пандемияси яна авж олмоқда. Бокс бўйича жаҳон лицензион мусобақаси мисолида айтиш мумкинки, спорт курашларида ҳам Болгариядаги турнир бекор бўлиш эҳтимоли йўқ эмас. Шу боис барча масалани Олма-отада ҳал қилиш зарур. Бу борада қандай ёрдам керак бўлса, барчасини яратиб беришга тайёрмиз. Ҳукуматимиз Олимпиада билан боғлиқ ҳамма масалаларимизни ижобий ҳал қилиб бермоқда”, – деди Рустам Шоабдураҳмонов.

Суҳбат давомида МОҚ раиси спортчиларимизнинг тайёргарлиги, уларнинг ҳолати бўйича мураббийлар ва спортчилар билан юзма-юз гаплашди. МОҚ раиси курашчиларимизга бўлажак мусобақада омад тилади.

Бугун терма жамоамиз делегацияси Қозоғистонга учиб кетади.