МОҚ раиси ўринбосари, мамлакат дзюдо федерацияси раҳбари Азизжон Камиловни табриклаймиз!

Ҳеч кимга сир эмас, Азизжон Якубжанович федерация раҳбари этиб тайинланганидан сўнг мамлакатимиз дзюдосидаги ислоҳотлар янада жонланди. Дзюдочиларимиз томонидан халқаро мусобақаларда қўлга киритилаётган натижалар ҳам ижобий томонга ўзгарди. Узоққа бормаймиз, шу йилнинг ўзида дзюдочиларимиз ҳам Осиё, ҳам жаҳон чемпионатида муваффақиятли тарзда иштирок этишди. Бишкекда ўтган қитъа чемпионатида терма жамоамиз аъзолари тарихда илк бор 10 та медаль қўлга киритишди. Жаҳон чемпионатида Давдат Бобонов кумуш медалга эга чиққан бўлса, жамоавий микст баҳсларида биринчи маротаба бронза медалига сазовор бўлдик. 

Муҳташам "Ҳумо Арена"да илк бор "Катта Дубулға" турнири юқори савияда ташкил этилди. Буни халқаро экспертлар ҳам эътироф этишди. Илк бор катталар ўртасидаги жаҳон чемпионати мезбонлиги Ўзбекистонга ишониб топширилди. Юртимиз аёллар дзюдоси тарихида илк бор "Катта Дубулға" турнири медаллари қўлга киритилди. Гулноза Матниязова бронза, Диёра Келдиёрова олтин медални ўзиники қилиб олди. Бу каби муваффақиятлар ҳақида узоқ гапириш мумкин.       

Фурсатдан фойдаланиб, мураббийлар, дзюдочилар, умуман, катта ўзбек дзюдо оиласи номидан Азизжон Камиловни ҳар бир инсон ҳаётидаги унутилмас кун - таваллуд айём билан чин қалбдан муборакбод этамиз. Азизжон Якубжановичга сиҳат-саломатлик, оилавий бахт, хотиржамлик, фарзандлари роҳатини кўриб юришларини тилаймиз. 

Насиб қилса, биз биргаликда яна катта ютуқларга эришамиз. Остонада тўрт йилликнинг энг нуфузли мусобақаси - Токио Олимпиадаси турибди. Азизжон Якубжанович бошчилигидаги юртимиз дзюдочилари Олимпия ўйинларида халқимиз кутаётган натижага эришиш учун астойдил ҳаракат қилади. 

Азизжон Якубжанович, яна бир бор таваллуд айёмингиз муборак бўлсин!