МОҚ раиси ўринбосари Паралимпия ассоциациясида бўлди

Унга Ўзбекистон Паралимпия ассоциацияси раиси Мухторхон Ташходжаев, ассоциация раис ўринбосари Шарифжон Мўминжонов ҳамроҳлик қилди.  

Ташрифдан кўзланган асосий мақсад спортчиларнинг жисмоний ва психологик тайёргарлиги, уларга яратилган шароитлар билан танишиш эди. Машғулотларда 40 нафарга яқин пара енгил атлетика ҳамда паурлифтинг бўйича терма жамоамиз аъзолари иштирок этяпти. Ушбу ўқув-машғулот йиғини 6-15 февраль кунлари БААнинг Дубай шаҳрида бўлиб ўтадиган пара енгил атлетика бўйича халқаро Гран-При мусобақасига тайёргарлик босқич вазифасини ўтаб беради.

Эътиборлиси, Дубай турнири Токиода бўлиб ўтадиган Паралимпия ўйинларига йўлланма бериши билан аҳамиятлидир. Терма жамоамиз делегацияси 4 январь куни БААга жўнаб кетади. МОҚ мутасаддилари атлетларимизга бўлажак мусобақада муваффақиятли иштирок тилашди.

Шунингдек, Азизжон Камилов паурлифтинг бўйича терма жамоамиз машғулотида ҳам бўлди. Паурлифтингчиларимизни ҳам янги мавсумда масъулиятли мусобақалар кутиб турибди.