MPL Selection бекор қилинди. Нега? Жасур Алижонов жавоб берди

23 декабрь куни MPL Selection турнир ўтказишини эълон қилган эди. Бироқ ушбу мусобақа бекор қилинди. Лига раҳбарларидан бири Жасур Алижонов вазиятга ойдинлик киритди.

"Айрим сабабларга кўра МPL Selection кейинги йилга қолдирилди. Тўғрисини айтсак, ассоциация томонидан рухсат берилмади. Ҳар битта спортчимиз тайёр эди. Ёш, энди ўсиб келаётган 20 нафардан ортиқ жангчи иштирок этиши керак эди. 

Озарбайжон, Англия, Бирлашган Араб Амирликларидан жангчилар келиши лозим эди. Уларга шартнома юборилган, авиачипталар олинган эди. UFC Fight Pass томонидан трансляция қилиниши режалашатирилганди. Насиб қилмаган экан. Энди турнирни кейинги йил бошига режа қиляпмиз", - деди Жасур Алижонов оlamsport.com сайтига берган интервьюсида.