Муҳаммад Мокаев ACBJJ Лигаси камари учун жанг қилди

Оқшомнинг асосий воқеаларидан бири жиу-жисту қоидалари бўйича ўтказилган беллашув бўлди. Унда Brave CF промоушенининг енгил вазн тоифасидаги 26 ёшли чемпиони, асли доғистонлик, ҳозирда Британия шарафини ҳимоя қилаётган Муҳаммад Мокаев арманистонлик Морис Болеянни ҳакамларнинг якдил қарори билан мағлубиятга учратди.

Беллашув асосан партердаги курашларга бой ўтди — ҳар икки рақиб ҳам жангни муддатидан аввал якунлашга ҳаракат қилди. Баҳс якунида Мокаев ташаббусни ўз қўлига олди ва ғалаба қозонди. 

Маълумот учун, 26 ёшли Муҳаммад Мокаев профессионал рекордида 17 та ғалаба бор (шундан 11 таси муддатидан аввал қўлга киритилган), мағлубиятлари йўқ, битта жанг эса ўтказилмаган деб топилган. Мокаев профессионал фаолиятини 2020 йилнинг августида бошлаган. Грепплинг бўйича у икки карра ADCC версияси бўйича Буюк Британия чемпиони ҳисобланади.