Мукофот жамғармаси 200 000 000 бўлган “Uzbekistan Judo Tour”да ғолиб ва совриндорлар аниқланди + ФОТО

Мазкур нуфузли спорт тадбири Ўзбекистон Республикаси Президентининг спорт соҳасини ривожлантириш, ёшлар ўртасида соғлом турмуш тарзини кенг тарғиб этиш ҳамда миллий спорт турларининг оммавийлигини оширишга қаратилган қарорлари ижроси доирасида ўтказилди.

Терма жамоага номзод кўплаб дзюдочиларни жамлай олган Қаршидаги катта дзюдо байрам юқори савияда ташкил этилди. Аренага келган мухлислар дзюдо усталарининг маҳоратидан баҳраманд бўлишди. 

Мусобақанинг умумий мукофот жамғармаси 200 миллион сўмдан иборат бўлиб, чемпионлар медаль ва дипломдан ташқари 22 миллион, кумуш медаль эгалари 14, бронза медаль соҳиблари эса 7 миллион сўмдан пул мукофоти билан тақдирланишди.

Ўз вазн тоифаларида Абдураҳим Нутфуллоев, Мусо Собиров, Фазлиддин Рафиқов ва Сўғдиёна Рафкатова чемпионликк шоҳсупасига кўтарилишди.

Ғолиб ва совриндорлар:

-73 кг вазн тоифаси

1. Абдураҳим Нутфуллоев (Тошкент вилояти)

2. Низомиддинхўжа Тошпўлатов (Сурхондарё)

3. Муҳаммадяҳё Муҳаммаджонов (Тошкент шаҳри)

3. Жавоҳирбек Сапаров (Тошкент вилояти)

-90 кг вазн тоифаси

1. Мусо Собиров (Хоразм)

2. Азизбек Авазмуродов (Тошкент шаҳри)

3. Рамазон Аллабердиев (Тошкент шаҳри)

3. Шербек Рашидов (Қашқадарё)

+90 кг вазн тоифаси

1. Фазлиддин Рафиқов (Тошкент шаҳри)

2. Қаҳрамон Раҳмонов (Қашқадарё)

3. Муҳаммадқодир Мансуров (Тошкент вилояти)

3. Муҳаммадали Тангриев (Тошкент вилояти)

-52 кг вазн тоифаси

1. Сўғдиёна Рафкатова (Хоразм)

2. Севинч Муродова (Жиззах)

3. Умида Жуманиязова (Қорақалпоғистон)

3. Ҳалимажон Қурбонова (Хоразм)