18 окт 15:02
Янгиликлар
Бокс/ММА
Мураббий Жейрон Эннис учун энг хавфли рақибни айтди
Мураббий Стивен Эдвардс MillCity Boxing нашрига берган интервьюсида америкалик боксчи Жейрон Эннис учун энг хавфли рақиб россиялик эканини маълум қилди.
"Эннис учун энг хавфлиси Баҳром Муртазалиев. Нега айнан у? Чунки у қаршилик кўрсатишни билади. Эннис эса бироз ҳужумкор жангчи. Жейрон ажойиб зарба бериш қобилиятини намойиш этмоқда. Аммо ўз вақтида берилган зарба билан исталган одамни йиқитиш мумкинлигини ҳам эсдан чиқармаслик керак", - деди Эдвардс.
Эслатиб ўтамиз, ўтган ҳафта охирида Филадельфияда супер ўрта вазн тоифасига ўтган "Бутс" лақабли Жейрон Эннис анголалик Уисма Лимани биринчи раунддаёқ нокаутга учратган эди.
Аввалроқ, ушбу йўналишда IBF чемпиони россиялик Баҳром Муртазалиев Эннисга қарши жангга тайёрлигини маълум қилди. У 2025 йилда ҳозирча жанг ўтказмаган.
Ҳавола :
Манба : allboxing
Фикрлар