"Muradov Legion Team" VS "Fight Baza". Ким кучлироқ? 25 декабрь куни билиб оламиз!

Хабарингиз бор, 25-27 декабрь кунлари Ўзбекистон панкратион ва грепплинг ассоциацияси томонидан панкратион бўйича клублар ўртасида Гран-При турнири ташкил этилади. Бугун ушбу мусобақа олдидан қуръа ташлаш маросими бўлиб ўтди. 

Эътиборлиси, "Мuradov Legion Team" ва "Fight Baza" жамоалари финалда учрашмайдиган бўлди. Негаки, бу икки жамоа қуръа натижасига кўра бир гуруҳдан жой олди ва илк босқичдаёқ улардан бири турнирни тарк этади.

"В" гуруҳи
"Medved" (Қўқон)
"Vodiy MMA" (Фарғона)
"Milliy gvardiya"
"Hasanov Team"

"А" гуруҳи
"Bobur o'g'lonlari" (Андижон)
"Fight baza" (Тошкент)
"Muradov legion team" (Тошкент)
"Magdiyev Team" (Тошкент)

Дастлабки тўқнашувда "Muradov legion team" "Fight baza" билан, "Bobur o'g'lonlari" "Magdiyev Team" билан, "Vodiy MMA" "Medved" билан ва "Milliy gvardiya" "Hasanov Team" билан кураш олиб боради. Гуруҳ ғолиблари биринчи ва иккинчи учун курашса, гуруҳда иккинчи ўринни эгаллаганлар эса учинчи ўрин учун даъвогарлик қилади.