Мурат Гассиев рақибидан 4 кг оғирроқ тош босди

"Динамо" волейбол аренасида ўтказилувчи оқшомнинг марказий жанги супероғир вазн тоифасида россиялик собиқ жаҳон чемпиони Мурат Гассиев ҳамда германиялик Михаэль Валлиш ўртасида кечади. Ўн икки раундга мўлжалланган жанг ғолиби WBA Asia камарига эга чиқади. 

Кеча эса профессионал бокс кечаси иштирокчиларини тарозидан ўтказиш маросими ташкил этилди. Гассиев - 106,5 кг, унинг рақиби Валлиш эса — 102,6 кг тош босди.

Шунингдек, бугунги бокс оқшомида Михаил Алоян Линдил Тшемесега, Эдгар Гукасян Рикардо Вийяльбага қарши рингга кўтарилади. 

Маълумот учун, биринчи оғир вазн тоифасида собиқ WBA ва IBF чемпионлик камарлари соҳиби бўлган Мурат Гассиев охирги жангини 2020 йилнинг октябрида албаниялик Нури Сеферига қарши ўтказиб, рақибини нокаутга учратган эди. Бу унинг супероғир вазндаги дебют жанги бўлганди. Гассиев ҳисобида 27 ғалаба ва бир мағлубият бор.