Мурат Гассиевнинг яна рақиби ўзгарди

Бу билан Гассиевнинг рақиби иккинчи бор алмашмоқда. Мурат учинчи уринишда албаниялик Нури Сеферига қарши рингга кўтарилади. Бу ҳақида жанг ташкилотчиларидан бири, таниқли промоутер Владимир Хрюнов хабар берди.

"Афсуски, Сефер Сеферининг машғулот ўтказаётган залида коронавирус аниқланибди. Энди у карантинда ўтиришга мажбур. Яна бир сабаби Сефер Мурат Гассиевни қўрқди. Мурат энди Сефернинг акаси Нури Сеферига қарши жанг ўтказади", — деди Хрюнов.

Маълумот учун, Гассиевнинг супероғир вазндаги дебюти 31 октябрь куни Россиянинг Сочи шаҳрида бўлиб ўтади. Аввалига Мурат WBC камарига собиқ даъвогар, америкалик Кевин Жонсонга қарши жанг ўтказиши керак эди. Кейин эса Сефер Сефери номзоди маъқулланди.