Муроджон Холмуродовга уй совға қилинди

Спортнинг ушбу турининг дастлабки сабоқларини тумандаги болалар-ўсмирлар спорт мактабида олган.У фаолияти мобайнида нафақат шоссе, шунингдек трек йўналишида жаҳон ва қитъа чемпионатларида, Осиё кубоги ва бошқа нуфузли халқаро мусобақаларнинг ғолиби ва совриндори бўлган. Велоспортчимиз 2012 йили Лондон шаҳрида уюштирилган ёзги Олимпиада ўйинларида ватанимиз шарафини ҳимоя этган.

Қувонарлиси, ўтган йили Халқаро Велосипедчилар Иттифоқи (УCИ) унга 2020 йили Япония давлатининг Токио шаҳрида бўлиб ўтадиган ХХХИИ ёзги Олимпия ўйинлари дастуридан ўрин олган велоспортнинг шоссе йўналишида қатнашиши учун йўлланмани тақдим қилди.Албатта, унинг ўзбек спорти шаънини улуғлаш йўлидаги саъй-ҳаракатлари бесамар қолмаяпти. Муроджон Холмуродовга Хоразм вилояти ҳокимлиги томонидан Урганч туманининг Чандирқиёт қишлоғида, яъни Урганч шаҳри ҳудудига яқин жойда янги қуриб битказилган намунавий уй-жой туҳфа этди.

Бугун вилоят жисмоний тарбия ва спорт бошқармаси бошлиғи Ш.Мадаминов, Ўзбекистон велосипед спорти федерацияси вилоят бўлими вакили, моҳир спортчининг ўзи ва унинг ота-онаси янги уйга қадам ранжида қилишди.

Ўз навбатида машҳур велоспортчи кўрсатилаётган бундай эътибор ва ғамхўрлик учун ҳукуматимизга миннатдорлик изҳор этиб, бунга жавобан, келгуси мусобақаларда, хусусан, жорий йилги Олимпиадада ҳам юқори кўрсаткичларга эришиб, давлатимиз байроғини кўкларга кўрсатишига умид билдирди.

Айни дамда, М. Холмуродов велоспортнинг трек йўналишида ҳам Олимпиада йўлланмасига сазовор бўлиш учун ҳаракат қилмоқда.