05 ноя 14:51
Янгиликлар

Дзюдо

Муроджон Йўлдошев Боку "Катта Дубулға" 1/2 финалида

Озарбайжон пойтахти Боку шаҳрида "Катта Дубулға" туркумига кирувчи нуфузли турнирнинг иккинчи кунги саралаш беллашувлари якуни сари яқинлашмоқда.

Қувонарлиси, -73 кг вазн тоифасида юртимиз шарафини ҳимоя қилаётган Муроджон Йўлдошев ярим финал йўлланмасини қўлга киритди. Ҳамюртимиз чорак финал беллашувида ёшлар ўртасида жаҳон чемпиони, катталарда жаҳон чемпионатининг кумуш медали совриндори, италиялик Мануэль Ломбардони мағлубиятга учратди.

Муроджон иккинчи даврада польшалик Адам Стодолски, учинчи босқичда қозоғистонлик Данияр Шамшаевдан устун келган эди. Бироздан сўнг у финал йўлланмаси учун канадалик Артур Маргелидонга қарши татамига чиқади. Артур чорак финалда грузиялик Олимпиада чемпиони Лаша Шавдатуашвилини мағлуб этишни уддалади.

Афсуски, бугун курашга киришган қолган дзюдочиларимиз мағлубиятга учраб, мусобақадаги иштирокларини эрта якунлашди.