08 июл 22:28
Янгиликлар
Эркин кураш, Юнон-Рум кураши
Мустақил Ўзбекистон тарихида ўсмирларимиз илк маротаба жаҳон чемпионатида учта олтин медалга эга чиқишди!
Хорватиянинг Загреб шаҳрида спорт курашлари бўйича жаҳон чемпионати ниҳоясига етди.
Мусобақада -51кг вазн тоифасида юртимиз шарафини ҳимоя қилаётган Лазизхон Ўзбеков финалга йўл олгани ҳақида хабар бериб ўтгандик. Бир неча дақиқа олдин ҳамюртимиз ҳал қилувчи жангда ҳиндистонлик Лайшарам Мейтейга қарши гиламга чиқди ва рақибини мағлубиятга учратди. Шу тариқа, Лазизхон ушбу жаҳон чемпионатида терма жамоамиз ҳисобига учинчи олтин медални қўшиб қўйди.
Эслатиб ўтамиз, ушбу жаҳон чемпионатида шунингдек эркин кураш бўйича Жамшид Маруфов олтин, Шаҳбоз Комилов бронза медалини қўлга киритганди. Юнон-рум курашида эса спортчиларимиздан Аброр Атабаев олтин, Амир Султонов бронза медалига сазовор бўлган.
Миллий олимпия қўмитаси муваффақият билан Ўзбекистон спорт курашлари ассоциацияси, спортчи ва уларнинг мураббийларини табриклайди.
Ҳавола :
Фикрлар