20 авг 16:18
Янгиликлар

Теннис

Мухова Соболенкони мағлуб этди ва фаолиятида илк бор WTA 1000 финалига йўл олди

Теглар : Каролина Мухова Арина Соболенко

АҚШнинг Цинциннати шаҳрида ўтказилаётган WTA 1000 тоифасига кирувчи турнир якуни сари яқинлашмоқда.

WTA рейтингида 17-поғонадан жой олган Каролина Мухова 1/2 финалда дунёнинг иккинчи ракеткаси, беларуслик Арина Соболенкони уч сет натижасига кўра мағлубиятга учратди - 6/7(4), 6/3, 6/2. Теннисчиларнинг ўзаро учрашувларидаги ҳисоб чехиялик фойдасига ўзгарди - 2:1.

Икки соату 37 дақиқа давом этган баҳсда ҳар иккала теннисчи 3 тадан эйс зарбасини амалга оширишди. Мухова 6, Соболенко 10 та қўшхатога йўл қўйди. Брейклар 5 га 2, Каролина фойдасига. Эртага 27 ёшга тўладиган чехиялик теннисчи фаолиятида илк бор WTA 1000 турнири финалида ўйнайди.