Надаль: "Мен ва Алькаразни солиштиришни тўхтатсангиз яхши бўларди"

"Биз қила оладиган ягона нарса - Карлоснинг фаолиятидан завқ олиш. Бизни солиштиришни тўхтатсангиз яхши бўларди. Агар у 25 та "Катта Дубулға"да ғалаба қозонса, бу унинг учун ҳам, мамлакатимиз учун ҳам ақл бовар қилмайдиган иш бўлади ва мен у учун хурсанд бўламан. Лекин келинг, у ўзининг фаолиятидан завқлансин. 

Мен ўзимнинг карьерамдан ва уни қандай ўтказганимдан жуда кўп завқ оламан. Энди унда карьерасини ўзи хоҳлаганидек бошқариш вақти келди. Биз уни ёшлигим билан ҳар доим ҳам солиштира олмаймиз. У фантастик теннисчи, худди шундай. 2004 йилда мен фантастик бўлганман деб айта олмайман, лекин ёмон ҳам эмасдим",-деди Надаль Римдаги "Мастерс" ўйинидан кейин ўтказилган матбуот анжуманида.

Эслатиб ўтамиз, ўтган ҳафтада 19 ёшли Алькараз фаолиятида биринчи марта Надални мағлуб этганди.