03 окт 09:12
Янгиликлар

Теннис

Надаль "Ролан Гаррос" учинчи даврасида кортга чиқди

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Мусобақанинг амалдаги ғолиби, дунёнинг иккинчи ракеткаси Рафаэль Надаль Франция Очиқ чемпионатининг 1/8 финалига йўл олди. Испаниялик теннис юлдузи учинчи даврада рейтингнинг 74-поғонасидан жой олган италиялик Стефано Травальяни 6/1, 6/4, 6/0 ҳисобларида мағлубиятга учратди.

Бир соату 35 дақиқа давом этган баҳсда 34 ёшли Надаль 2 та, 28 яшар Травалья эса 1 та эйс зарбасини амалга оширди. Бу теннисчиларнинг илк расмий учрашуви эди. Энди Рафа "Ролан Гаррос" 1/8 финалида америкалик Себастьян Кордага қарши кортга чиқади.