Физиев нима учун Гэтжининг Топурия билан жангини истамаслигини айтди

"Жастин учун хурсандман, лекин у бу жангга ўз формасида келмаганига ҳайронман. Биринчи раундда у жуда секин ҳаракат қилди. Гўёки касалдек кўринди. Мен у билан Лондонда жанг қилган пайтдаги формасида бўлганида, Пэддини дастлабки икки раундда тугатган бўларди. У 100 фоиз тайёр эмас эди, деб ўйлайман. Унинг бўйнини кўрдим — эҳтимол стафилококк инфекциясига ўхшарди. Лекин Пэдди мени ҳайратга солди, унинг боши жуда мустаҳкам экан.

Топурия ва Гэтжи? Ростини айтсам, бу жангни кўришни истамайман. Удеярли 38 ёшда. У бу жангда қандай формада бўлганини ҳисобга олсак, бу яхшилик билан тугамайди. Илия билан "стойка"да бокс тушиш — жуда хавфли. Илия уни осонгина нокаут қилиши мумкин. Албатта, бу ММА, ҳаммаси ўзгариши мумкин. Лекин барибир бу жангни кўришни истамайман", — деди Физиев MMAJunkie нашрига.