Надаль - тўрт карра US Open чемпиони!

Эркаклар ўртасидаги мусобақанинг яккалик баҳсларида дунёнинг иккинчи ракеткаси Рафаэль Надаль бош соврин соҳибига айланди. Испаниялик теннис юлдузи ҳал қилувчи финал учрашувида рейтингнинг 5-поғонасидан жой олиб турган россиялик Даниил Медведевга қарши кортга чиқди.

Надаль 4 соату 49 дақиқа давом этган драматик финал якунида 7/5, 6/3, 5/7, 4/6, 6/4 ҳисобида зафар қучиб, ўз фаолиятида тўртинчи бор АҚШ Очиқ чемпионати ғолибига айланди. Бу 33 ёшли Рафанинг “Катта Дубулға” туркумига кирувчи турнирлардаги 19-соврини бўлди. Икки ҳафталик меҳнат Надалга деярли 4 миллион доллар келтирди.