Наманганда оммавий тадбир: Нафас машқлари ва бадантарбия – соғлом ҳаёт сари қадам

Наманган шаҳридаги “Ёш куч” ўйингоҳида, вилоят жисмоний тарбия ва спорт бошқармаси, Наманган шаҳар халқ таълими бўлими, Наманган шаҳар касаба уюшмалари кенгаши, мактабгача таълим муассасалари бўлими ҳамкорлигида таълим, фан ва маданият ходимлари шаҳар кенгаши раиси, спорт фидойиси марҳума Мухайё Гаппарованинг порлоқ хотирасига бағишланган “Нафас машқлари ва бадантарбия – соғлом ҳаёт сари қадам” шиори остида оммавий спорт тадбири ўтказилди.

Мазкур оммавий спорт тадбирида Наманган шаҳридаги умумтаълим мактабларининг жисмоний тарбия ўқитувчилари, мактабгача таълим муассасаларининг спорт йўриқчилари, болалар ўсмирлар спорт мактаблари, ихтисослаштирилган болалар ўсмирлар спорт мактабларининг йўриқчи услубчилари, тиббиёт ходимлари ва кенг жамоатчилик ҳамда оммавий ахборот воситалари вакиллари иштирок этишди.

Тадбир сўнггида фаол иштирок этганларга ташкилотчилар томонидан эсдалик совғалари тақдим этилди.