Наманганда "Ракетамодел" спортига эътибор

Ўзбекистон Республикаси Президенти Ш.Мирзиёев томонидан "Спортнинг техник ва амалий турларини янада ривожлантириш" бўйича берилган топшириқларига асосан спортнинг техник ва амалий турларини кенг тарғиб қилиш, ривожлантириш ва оммалаштириш мақсадида Ўзбекистон мудофаасига кўмаклашувчи "Ватанпарвар" ташкилоти Наманган вилояти кенгаши тасарруфидаги Чуст туман ўқув спорт техника клубида янги ташкил этилган ҳамда замонавий услубда жиҳозланган "Авиамодел" ва "Ракетамодел" спорт секциясининг тантанали очилиш маросими ўтказилди. Янги ташкил этилган ушбу секцияда Қозоғистон Республикасида ўтказилган Жаҳон Кубоги мусобақасида олтин медални қўлга киритган спортчи Н.Зайлиддинов мураббийлиги остида машғулотлар олиб борилади. Ушбу тадбирда Наманган вилоят жисмоний тарбия ва спорт бошқармаси бошлиғи Ш.Корабоев, Чуст туман ҳокими ўринбосари З.Бойбоев, "Нуроний" жамғармаси Чуст туман бўлими вакили А.Ғофуров, "Ватанпарвар" ташкилоти фаҳрийси А.Абдугаффоров, Чуст туманидаги ҳарбий лицей ўқувчилари ва ОАВ ходимлари иштирок этдилар. Тадбирда "Ватанпарвар" ташкилоти спорт техникаларининг кўргазмали чиқишлари намойиш этилди.