19 апр 14:14
Янгиликлар

Тадбирлар

Наманганда спорт йўналишидаги раҳбар ходимлар беллашди

Наманганда спорт йўналишидаги раҳбар ходимлар ўртасида шахмат ва бадминтон бўйича “Бошқарма бошлиғи кубоги” мусобақаси ўтказилди.

Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора тадбирлари тўғрисида”ги Фармони ижросини таъминлаш мақсадида Наманган шаҳар Давлатобод туманида жойлашган 1-сонли болалар-ўсмирлар спорт мактабига қарашли бадминтон марказида, вилоят Туризм ва спорт бош бошқармаси тасарруфидаги спорт ва таълим муассасаларида фаолият кўрсатаётган раҳбар ходимлар ўртасида шахмат ва бадминтон бўйича “Бошқарма бошлиғи кубоги” мусобақаси ўтказилди.

Шахмат мусобақасида жами 23 нафар иштирокчи ғолиблик учун дона суришди. Муросасиз курашлар остида ўтган баҳслар якунига кўра ғолиб ва совриндорлар қуйидагича кўриниш олди:

Эркаклар:

1. Кан Александр – Наманган шаҳар Давлатабод туман 1-БЎСМ услубчиси;

2. Умаров Мирвохид – Тўрақўрғон туман БЎСМ директор ўринбосари;

3. Бобоев Олимжон – Спорт ўйинлари ва енгил атлетикага ИБЎСМ директор ўринбосари.

Аёллар:

1. Суходько Виктория – Якка кураш спорт турларига ИБЎСМ услубчиси;

2. Сармонова Шаҳноза – Учқўрғон туман 2-БЎСМ директори.

Бадминтон бўйича ўтказилган мусобақада жами 30 нафар иштирокчи қатнашди ва қуйидагилар ғолиблик шоҳсупасига кўтарилишди:

1. Хомидов Муҳаммаджон – Чуст туман БЎСМ директори;

2. Туйчиев Анваржон – Бошкарма бошлиғи;

3. Турсунов Элдорбек – Поп тумани 2-БЎСМ директори.

Ушбу спорт тадбирига вилоят ҳокимининг Туризм, спорт, маданият, маданий мерос ва оммавий коммуникациялар масалалари бўйича ўринбосари Ботиржон Нуритдинов ҳам ташриф буюрди ва ғолибларни тақдирлади.