05 янв 17:51
Янгиликлар
Тадбирлар
Наманганда Ватан ҳимоячилари кунига бағишлаб теннис мусобақаси ўтказилди
Наманган шаҳрида 14 январь – Ватан ҳимоячилари кунига бағишлаб спортнинг теннис тури бўйича ҳаваскорлар ўртасида Наманган вилоят очиқ биринчилиги ўтказилди.
Наманган вилоят теннис федерацияси ҳамда Спорт ўйинлари ва енгил атлетикага ихтисослаштирилган болалар-ўсмирлар спорт мактаби ҳамкорлигида ташкил этилган очиқ биринчиликка «Дўстлик» теннис корти мезбонлик қилди.
Мусобақада Наманган, Андижон ҳамда Фарғона вилоятларидан жами 50 нафарга яқин ҳаваскор теннисчилар иштирок этди. Муросасиз ўтган баҳслар якунига кўра умумжамоа ҳисобида фахрли 1-ўринни Наманган вилояти жамоаси қўлга киритди. 2-ўрин Андижон вилояти вакилларига насиб этган бўлса, кучли учликка Наманган тумани теннисчилари якун ясаб беришди.
Наманган вилояти очиқ биринчилиги якунида ғолиб ва совриндорлар Наманган вилоят теннис федерацияси ҳамда хомий ташкилотлар томонидан муносиб рағбатлантирилди.
Ҳавола :
Манба : minsport.uz
Фикрлар