05 окт 07:51
Янгиликлар

Теннис

Наоми Осака China Open 1/2 финалчисига айланди

Хитой пойтахти Пекин шаҳрида ўтказилаётган теннис бўйича нуфузли WTA турнири ўзининг ҳал қилувчи палласига кирди.

Сайёрамизнинг тўртинчи рақамли теннис маликаси Наоми Осака мусобақанинг ярим финал иштирокчисига айланди. Япониялик теннисчи чорак финал учрашувида канадалик Бьянка Андреескуни мағлуб этди - 5/7, 6/4, 6/4.

Дунёнинг олтинчи ракеткасига қарши баҳс 2 соату 14 дақиқа давом этган. Наоми бу вақт давомида 10 та эйс зарбасини амалга оширган. Бу теннисчиларнинг ўзаро илк учрашуви эди. Бугун Осака 1/2 финалда даниялик Каролин Возняцкига қарши кортга чиқади.